Blog da Aula de Música do CEIP da Cruz (Camos)
Vai rematando o curso, e con el, o noso proxecto de centro "CoñezCamos Galicia", co que coñecimos un montón de lugares do noso país.
As mascotas de Educación Infantil, Lupo e Lobi Lobi, percorreron Galicia enteira!
Desta vez, para coñecer as provincias de Ourense, Lugo e A Coruña, acompañounos a súa amiga, a ovella Molly:
Os nenos e nenas de 1º de Primaria están moi emocionados aprendendo a escala musical:
Aquí temos a nosa canción para celebrar o Entroido deste ano!
Veremos desfilar ás Pantallas de Xinzo, ás Madamas e Galáns de Cobres, aos Volantes de Chantada, aos Xenerais da Ulla, aos Cigarróns de Verín, aos Boteiros de Viana do Bolo e ao Oso de Salcedo.
Un entroido cheo de cores e de tradición! 👹🎶🎶🎶
O Nadal está aquí e non hai excusa para non cantar 🎶✨
As mascotas de Ed. Infantil, os lobiños Lupo e Lobi Lobi, e tamén Camosiña, a mascota da Biblioteca do CEIP da Cruz, lévannos dar un paseo por algúns dos lugares que se poden visitar na provincia de Pontevedra.
Aquí podedes escoitar a canción:
Do mesmo xeito que sucedía na maioría das representacións do ciclo do ano que desenvolvían os nenos e nenas, a costume era pedir perriñas, carto pequeno para gastar en melindres ou algunha outra trapallada. Ademáis o xuntado referenciaba a valoración do traballo." (Do blog de Xavier Blanco)
Este venres celebraremos o Día de Rosalía de Castro, a nosa poeta.
Cantaremos esta fermosa versión da Alborada de Rosalía de Castro, musicada pola cantante Uxía:
Logo de que Rosalía escribira a súa Alborada, moitas persoas quixeran saber como era a música que ela usou para a letra.
Foron persoas como Perfecto Feijoo e Casto Sampedro quen se dedicaron a investigar para atopar esa música orixinal. Mesmo a filla de Rosalía, Alexandra, cantou para eles, pero nunca se soubo con certeza cal era a música verdadeira de Alborada.
Así, quedou como unha especie de misterio que sempre será parte do soño, e todas as versións da canción son verdadeiras de algún xeito.
No ano 1920, a Alborada de Rosalía foi gravada por un grupo de músicos de Soutelo, e desde daquela moitos gaiteiros tomaron esa versión para aprender e tocar a canción.
Na próxima semana celebraremos o Magosto no CEIP da Cruz, e imos recibir a visita das pandeireteiras "As Camoesas", dirixidas por Eva Méndez, que foi alumna do cole. Para poder cantar con elas, imos aprender dúas cantigas.
1- O pasadobre de Laxoso (Pontecaldelas), coñecido por "Ole, laranxiña"
Nunha entrevista que lle fixeron, inventou estas dúas letras, animando aos nenos a falar en Galego:
Falade galego, nenos,
xa o falaba a vosa avoa.
Para falar ben galego,
hai que mamalo na escola
Cantade todos en galego,
cantade con alegría;
o galego é o noso,
xa o dicía Rosalía
O programa "Alalá" tamén fixo un programa dedicado ás cantareiras de Laxoso:
2- "O Verdegaio" é unha cantiga galego-portuguesa, aprendida a Isaura do Xerelo, de Calvos de Randín (Ourense), e que as famosas pandeireteiras Leilía gravaron hai xa uns anos:
