A escala musical

 Os nenos e nenas de 1º de Primaria están moi emocionados aprendendo a escala musical:

Entroido, entroido, entroido!

Aquí temos a nosa canción para celebrar o Entroido deste ano!

Veremos desfilar ás Pantallas de Xinzo, ás Madamas e Galáns de Cobres, aos Volantes de Chantada, aos Xenerais da Ulla, aos Cigarróns de Verín, aos Boteiros de Viana do Bolo e ao Oso de Salcedo.

Un entroido cheo de cores e de tradición! 👹🎶🎶🎶

No Nadal imos cantar

 

O Nadal está aquí e non hai excusa para non cantar 🎶✨

“No Nadal imos cantar” é a canción perfecta para cantar nestas Festas.

Deixa que as voces se xunten e enchan a casa de ledicia!

 

Lupo e Lobi Lobi por Pontevedra

 

As mascotas de Ed. Infantil, os lobiños Lupo e Lobi Lobi, e tamén Camosiña, a mascota da Biblioteca do CEIP da Cruz,  lévannos dar un paseo por algúns dos lugares que se poden visitar na provincia de Pontevedra.

Aquí podedes escoitar a canción:

 

"Clap clap sound", percusión corporal

 

"Stop-go-rag", son e silencio

 

"Jibidi"

 

"Acuario" (Saint-Saëns)

OS MAIOS

Para celebrar a chegada da primavera, a chegada do mes de maio, imos cantar este cantiga, este "maio" tradicional de Moaña, recollido polo músico e etnógrafo Xavier Blanco. 

 

 AQUÍ VÉN O MAIO CARGADO DE FLORES

 AQUÍ VÉN O MAIO SEMENTANDO AMORES

 

 

 

A tradición dos maios "Aínda que existen moitas hipóteses sobre a súa orixe, unha das máis empregadas fala de cando xurden os primeiros rituais que teñen que ver coa recolección. A xesta é a pranta silvestre por excelencia que simboliza o maio. Antigamente collíanse no monte e pendurábanse na roupa ou cubrindo o corpo, nos carros, casas e incluso se adornaban os camiños máis transitados. Desta tradición primixenia destaca o "maio humán", que percorría os pobos e vilas para anunciar o maio. Actualmente desenvólvese na época da exaltación das flores durante a estación primaveral. O máis común é celebralo arredor do primeiro de maio. Aínda que tamén existen outras variedades coma o "maio figurado" ou o "maio maiolo", a expresión máis común e arraigada é a do "maio de palleiro". Ata hai uns anos, estas expresións artísticas facían que se xuntaran os nenos e as nenas para compoñer as coplas e armar as figuras co fin de percorrer os diferentes eirados do pobo e representalos o día primeiro de maio. As coplas describían normalmente o proceso de construcción do maio e outros sucesos e anécdotas ocorridas a nivel local nacional e incluso estatal. O maio de palleiro, tamén chamado árbore do maio, ten forma de palleiro cónico armado sobre unha estructura de varas de cana ou pau con catro asas para podelo transportar. Pode ir revestido con todo tipo de vexetais según a zona, sendo os máis comúns a xesta, fiuncho, todo tipo de flores, bugallos, ovos e froitas coma laranxas ou limóns... Na súa cúpula pode levar unha coroa de flores moi elaborada e colorida. Tradicionalmente para a representación artística, metíase un neno ou nena dentro do palleiro, o cal representaba a voz do maio. Os demáis compoñentes do grupo cantaban as coplas arredor do maio mentres batían os palitroques para o acompañamento.

Do mesmo xeito que sucedía na maioría das representacións do ciclo do ano que desenvolvían os nenos e nenas, a costume era pedir perriñas, carto pequeno para gastar en melindres ou algunha outra trapallada. Ademáis o xuntado referenciaba a valoración do traballo." (Do blog de Xavier Blanco)

Día de Rosalía de Castro

Este venres celebraremos o Día de Rosalía de Castro, a nosa poeta.

Cantaremos esta fermosa versión da Alborada de Rosalía de Castro, musicada pola cantante Uxía:

Logo de que Rosalía escribira a súa Alborada, moitas persoas quixeran saber como era a música que ela usou para a letra. 

Foron persoas como Perfecto Feijoo e Casto Sampedro quen se dedicaron a investigar para atopar esa música orixinal. Mesmo a filla de Rosalía, Alexandra, cantou para eles, pero nunca se soubo con certeza cal era a música verdadeira de Alborada. 

Así, quedou como unha especie de misterio que sempre será parte do soño, e todas as versións da canción son verdadeiras de algún xeito.

No ano 1920, a Alborada de Rosalía foi gravada por un grupo de músicos de Soutelo, e desde daquela moitos gaiteiros tomaron esa versión para aprender e tocar a canción.

Instrumentos da orquestra sinfónica

Cordófonos:

 

Aerófonos:

Idófonos:

A Carolina

Para os de 4º, para tocar coa frauta:

 

As outras voces, que van acompañar tamén á melodía principal:

 

Para os de 5º e 6º, a partitura:

E para os de 4º:

Vivamos xuntos o Nadal!

Imos aprender esta canción para o Nadal 

💓🎊🎊🎵🎵🎵

VIVAMOS XUNTOS O NADAL

"OLE, LARANXIÑA" E "O VERDEGAIO"

Na próxima semana celebraremos o Magosto no CEIP da Cruz, e imos recibir a visita das pandeireteiras "As Camoesas", dirixidas por Eva Méndez, que foi alumna do cole. Para poder cantar con elas, imos aprender dúas cantigas.

1-  O pasadobre de Laxoso (Pontecaldelas), coñecido por "Ole, laranxiña"

Aquí escoitamos ás propias mulleres de Laxoso, que se uniran para formar o grupo "Dignas do querer". Unha delas, Áurea Adán, colaborou moitas veces no programa Luar da TVG; tiña moi boa voz, sabía moitísimas cantigas e tamén improvisaba coplas. 

Nunha entrevista que lle fixeron, inventou estas dúas letras, animando aos nenos a falar en Galego:  

Falade galego, nenos,

xa o falaba a vosa avoa. 

Para falar ben galego, 

hai que mamalo na escola

 

 Cantade todos en galego, 

cantade con alegría; 

o galego é o noso, 

xa o dicía Rosalía 

 

 O programa "Alalá" tamén fixo un programa dedicado ás cantareiras de Laxoso:

 

 

E 4 anos máis tarde fíxose outro "Alalá" a "Dignas do querer": 

 

2- "O Verdegaio" é unha cantiga galego-portuguesa, aprendida a Isaura do Xerelo, de Calvos de Randín (Ourense), e que as famosas pandeireteiras Leilía gravaron hai xa uns anos:

Coreografía para o Samaín/ Halloween

Unha coreografía faciliña para que todos bailemos na festa do Samaín, coa música de "Thriller", de Michael Jackson

O reloxo sincopado

Ribeirana de Lira

Comezamos este curso aprendendo a "Ribeirana de Lira". recollida polos Carunchos na aldea de Lira (Salvaterra de Miño):

div>

"Volaré"

"Volaré", un dos temas da BSO da película "Brave", para que cantemos todos xuntos

O carnaval dos animais

O carnaval dos animais, do compositor francés Camille Saint-Saëns Musicograma:

Who let the dogs out

Coreografía para 1º e 2º